Prokuroria Themelore e Mitrovicës ka dhënë detaje rreth rastit të vdekjes së policit, i cili vdiq si pasojë e plagëve të marra nga vetëplagosja aksidentale në poligonin e gjuajtjes të policisë në fshatin Cërrnushë të Mitrovicës.

Sipas prokurorisë, vdekja e policit 44 vjeçar është konstatuar nga mjekët në Spitalin Rajonal në Mitrovicë, shkruan arbresh.info.

“Prokuroria Themelore e Mitrovicës njofton opinionin se sot rreth orës 10.30 në poligonin e gjuajtjes të policisë në fshatin Cërrnushë të Mitrovicës, një polic me iniciale B.T 44 vjeç., deri sa ka qenë në gjuajtje në kuadër të një trajnimi të rregullt, aksidentalisht i është shkrepur arma zyrtare dhe për pasojë është plagosur dhe është transportuar menjëherë në Spitalin Rajonal në Mitrovicë ku personeli mjekësor ka konstatuar vdekjen e tij”.

Në vendin e ngjarjes ka dalur prokurori kujdestar I DKR të PTH Mitrovicë, dhe sipas informacioneve të para rasti ka ndodhur aksidentalisht.

Trupi i pajetë i të ndjerit me urdhër të prokurorit është dërguar për autopsi në Institutin e Mjekësisë Ligjore në Prishtinë./arbresh.info/